60 сидзæр сывæллоны ацы аз райсдзысты ног фатертæ

60 сидзæр сывæллоны ацы аз райсдзысты ног фатертæ. Уыцы хæрдзтæн радих кæндзысты 79 милуан сомы. Уыдонæй 43 милуан сомы - республикæйы бюджетæй. Уый рабæрæг уагдæтты `хсæн къамисы æмбырды рæстæг. Амыдта йæ хицауады сæрдары хæдивæг Фадзайты Æхсарбег. Сидзæр сывæллæттæн цæрæнуæттæ дæттыны фадат ис æрмæстдæр æхсæнадон хаццоны хуызы 5 азмæ. Уыцы рæстæджы фæстæ фатертæ баззайдзысты сывæллæттæн æмæ сæ пайда кæндзысты цæрæнбонты. Ахæм мадзæлттæ арæзт цæуынц сывæллæтты фæливæн митæй бахизыны тыххæй. Уæ зæрдыл уын æрлæууын кæндзыстæм, 2018-æм азы 1-æм июны бæрæггæнæнтæм гæсгæ сидзæрты æмæ, æнæ ныййарджытæй чи баззад, уыцы сывæллæтты номхыгъды 1313 адæймаджы кæй ис. Уыдонæй 868-ыл ныридæгæн сæххæст 18-гай азтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv