Алагиры дохтыртæ скодтой, стæм чи у, ахæм операци

Алагиры дохтыртæ скодтой, ныры онг кæй никуы кодтой, ахæм операци. Ныр рынчынæн йæ бон у йæ къух змæлын кæнын. Ахæм операцитæ кодтой Уæрæсейы раззагдæр клиникæты. Фæлæ Ирыстойнаг специалисттæ дæр фæстейы лæугæ нæ баззадысты. Сæ куыст уымæн æвдисæн. Гатеты Барисæн йе`’нæниздзинад фæцудыдта æртын азы размæ. Авдаздзыдæй бæхæй рахауд, æмæ йæ къух ныццавта. Йæхæдæг куыд зæгъы, афтæмæй фæстæдæр æмбарын райдыдта, йæ бон йе`нгуылдзтæ змæлын кæнын кæй нæу, уый. Уæд бацагуырдта дохтырты æххуыс, фæлæ йын сæ бон баххуыс кæнын нæ баци йæ цæф куыд у, уымæ гæсгæ. Æрæджы фехъуыста дохтыр Агънаты Артемы тыххæй, æмæ йæм фæтагъд кодта. Уый нæлгоймагæн зæрдæ бавæрдта, кæй йын скæндзæн операци, æмæ та йæ бон кæй суыдзæн йæ къухæй змæлын. Æмæ æцæг афтæ рауад. Операци йын скодтой Алагиры Районы рынчындоны. Лæвар. Фæлæ дохтыртæ рынчынæн фехъусын кодтой, реабилитаци ахсджиаг кæй у. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv