Дзанайты Барис Сергей Меняйлойæн радзырдта Цæгат Ирыстоны хицауады ног структурæйы тыххæй

Цæгат Ирыстоны хицауады структурæйыл хъæуы бæстонæй бакусын. Алы бæрнон кусæджы хæслæвæрдтæ æмæ бартæ хъуамæ æмбæлгӕ хуызы фидаргонд æрцæуой. Уыцы хæс республикæйы сæргълæууæг бабар кодта хицауады сæрдар Дзанайты Барисæн. Премьер Сергей Меняйлойæн радзырдта министры кабинеты ног структурæйы тыххæй. Афтæмæй вице-премьерты нымæц фæнд кæнынц 6 онг фæкъаддæр кæнын. Сфидар кæндзысты 14 министрады, 7 комитеты, 3 службæйы æмæ 4 управленийы. Арæзтад æмæ архитектурæйы министрад нал баиу кæндзысты цæрæнуæтты коммуналон хæдзарады министрадимæ. Архитектурæ æмæ горæты арæзтады комитет суыдзæн Арæзтады министрады дæлбар. Национ ахастдзинæдты фæдыл министрад ныр хуындзæн Националон политикæ æмæ æддаг бастдзинæдты фарстаты фæдыл министрад. Информацион технологитæ æмæ бастдзинады управленийæ снысан кодтой Нымæцон райрæзты комитет. Фæлтæрдджын разамонджытæй уæлдай Сергей Меняйло бабар кодта æрыгон специалистты дæр кусынмæ исын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv