Беслæны 1-æм скъолайы байгом Сергей Бодровы къамты равдыст

Сергей Бодровы мысгæйæ. Декабры кæрон телеуынынады амонæг, актер æмæ режиссерыл хъуамæ сæххæст уыдаид 50 азы. Беслæны фыццагæм скъолайы байгом Ульяновскы цæрæг нывгæнæг Михаил Черновы куыстыты равдыст. Бодровы 10 портреты фыст сты кӕттагыл сойахорӕнтӕй. Экспозици фенæн уыдзæн дыууæ къуырийы дӕргъы. Уый фæстæ нывтæ равæрдзысты Тæбæхсæуты Балойы номыл академион театры. Уым сæ фенæн уыдзæн Дзæуджыхъæуы цæрджытæн дæр. Нывгæнæг Михаил Чернов Цæгат Ирыстонмæ фыццаг хатт не ссыд. 2009 азы Беслæны цæрджытæн йæ балцы рæстæг сласта, Альфа æмæ Вымпелы архайджытӕй чи фæмард, уыцы æфсæддонты къамтæ. Михаил ма фыссы ирон чындзыты хуызистытæ, пейзажтæ æмæ республикæйы аив быннæттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv