Сфæлдыстадон ерыстæ «Наши надежды»

Аивæдты колледжы кадджын уавæры схорзæхджын кодтой сфæлдыстадон ерыстæ «Наши надежды»-йы лауреатты. Арæзт уыд 17-æм хатт. Сæ курдиат дзы равдисынц, 12 азы онг кæуыл цæуы, ахæм æвзонг музыканттæ. Ерыс фæкæнынц 5 номинацимæ гæсгæ. Конкурс арæзт у Дзæуджыхъæуы администрацийы æмæ Чайковскийы номыл сывæллæтты музыкалон скъолайы хъæппæрисæй. Сфæлдыстадон ерысты архайдтой 180 адæймагæй фылдæр, 19 скъолайæ. Жюрийы сæрдар ацы аз сси Уæрæсейы сгуыхт артисткæ Гергиты Ларисæ. Ерысты агъоммæ йæхæдæг архайджытæм лæмбынæг хъуыста æмæ сын аргъ кодта. Уымæй уæлдай ма, музыкалон скъолаты ахуыргæнджытæн загъта йæ фиппаинæгтæ. Фæбæрæг кодта, ахæм ерыстæ ахсджиаг кæй сты, уый. Иннæ æркаст та уыдзæн майы. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv