Цхинвалы сфидар кодтой ирæтты геноциды эмблемæ

Цхинвалы сæрмагонд къамисы æмбырды сфидар кодтой ирæтты геноциды эмблемæ. Ныв æвдисы цæргæсы судзгæ базыртæ, йæ рахиз базыр та у Ирон тырысайы хуызæн æртæхуызон. Саразын хъæуы æппæт мадзæлттæ, цæмæй дунеон æхсæнад фылдæр зона, 1920 азы ирæттæ цы цъысымы бахаудысты, уый. Уыимæ Хуссар Ирыстоны президент 20-æм июнь снысан кодта Хуссар Иры геноциды амæттæгты мысæн бон. Бæрæг æй кæндзысты æрвылаз. 1920 азы 20 июны гуырдзиаг меньшевиктæ фехстой Хуссар Иыстоны сабырдзинадыл архайæг 13 коммунары. Уыцы бон ирæтты геноциды мысæн боныл банымайыны хъæппæрисимæ ма раздæр рацыдысты уæды цауты мемориализацийы къамисы уæнгтæ. Зæгъын хъæуы уый, æмæ ирон адæмы ныхмæ 100 азы геноцидыл Хуссар Ирыстоны арæзт цæудзысты мысæн мадзæлттæ. Бацæттæ сæ кæндзысты республикæйы æппæт министрæдтæ æмæ ведомствæтæ дæр. Ацы аз сæдæ азы æххæст кæны, Хуссар Ирыстоны адæмы ныхмæ Гуырдзыстон цы геноцид расидт, ууыл. Мадзæлтты программатæ цæттæгонд цæуынц æппæт министрæдты æмæ ведомствæты дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv