«Демография» национ проекты фæлгæты Цæгат Ирыстоны дæрддзæф районты цæрджытæн цæуы сæрмагонд æххуыс

«Демография» национ проекты фæлгæты Цæгат Ирыстоны фидаргонд æрцыдысты 5 регионалон проекты. Уыдон иууылдæр æххæстгонд цæуынц нæ республикæйы фæллой æмæ социалон рæзты, æнæниздзинад хъахъхъæнын æмæ арæзтады министрдты руаджы. Уыимæ ма Цæгат Ирыстоны куыстдæттыны комитеты фæрцы. Уый æххæст кæны регионалон проект «Хистæр фæлтæр», зæгъгæ. Нысангонд ахсджиаг мадзæлттæй иу - дæрддзæф районтæм тагъдæххуыс фæхæццæ кæнынц. Хъæуты цæрджыты æнцондзинадæн районты комплексон центртæн радтой 8 ифтонггонд хæдтулгæйы. Гаситы Азæ цæры Кæрдзыны. Æдзух-иу тыхсти, Елхоты районы рынчындонмæ-иу æй цæуын куы бахъуыди, уæд. Фæндаг дард у, хъæумæ та сæрмагондæй æхсæнадон транспорт нæ цæуы. Ахæм уавæры æрмæст Азæ нæ уыд, фæлæ ма иннæ ацæргæ адæм дæр. Кисиоты Венерæйы дæр фæндыд, цæмæй диспансеризаци арæхдæр цæуа, уый. Уæдæ йæ æнæниздзинад дæр хуыздæргæнинаг уыди. Цалдæр мæйы размæ хъуыддаг фæхуыздæр. Æрæджы нæ республикæйы Уæрæсейы национ проект «Демографи»-йы фæлгæты регионалон проект «Старшее полоколение»- зæгъгæ, чи хуыйны, уый руаджы ацæргæ адæмæн фæзынд фадат районы рынчындæттæм цыбыр рæстæгмæ бацæуын. Къубалты Ларисæ къорд азы дæргъы кусы ацы бынаты. Йæ сæйраг хæсыл нымайы ацæргæ адмæн æххуыс кæнын. Ныр дæр та ис сæ уæлхъусы йе 'мкусæгимæ. Цæттæ сты ацы адæмы Кировы районы центрон рынчындонмæ бахæццæ кæнынмæ. Цæмæй медицинон уагдæттæм, хъæуы цæрджытæй 65 азæй фылдæр кæуыл цæуы, уыдоны бахæццæ кæной, уый тыххæй 2019 азы нæ республикæ райста 8 мобилон хæдтулгæйы. Уый 8 районæн. Алы комплексон центры та ис мобилон бригадæтæ. Ис дзы 3 адæймаджы. Адæмы цы хæдтулгæты ласынц, уыдон та сты ног. Дарддæр нæ фæндаг акодтам Кировы районы центрон рынчындонмæ. Цы рынчындон дзы кусы, уым ныртæккæ ис æппæт уавæртæ дæр, цæмæй канд хистæр кары адæм нæ, фæлæ ма дзы сывæллæттæн дæр хъæугæ медицинон æххуыс кæной. Кусджытæ кæд алкæмæдæр сæ хъус дарынц, уæддæр се 'ргом тынгдæр здахынц ацæргæ адæммæ. Уыимæ æнгом кусынц фæллойад æмæ социалон рæзты службæтимæ дæр. Рынчынтæ дæттынц туг, кæнынц флюрографи æмæ ма сын æххуыс кæнынц бирæ æндæр лæггæдтæй дæр. Алы мæйы кæрон дæр 25-ы нæ республикæйы фæллойад æмæ социалон рæзты министрад æмæ ма Цæгат Ирыстоны æнæниздзинад хъахъхъæнынады министардмæ æрвитынц сæрмагонд фæтк. Уым фыст вæййынц 65 азæй фылдæр кæуыл цæуы, уыцы ацæргæ адæмы нæмттæ. «Кировы районы социалон лæггæдтæ кæныны комплексон службæйы ныртæккæ кусынц сæрмагонд хыгъдмæ гæсгæ. Уым бæрæггонд цæуынц, 65-æй фылдæр кæуыл цæуы, æмæ æххуыс цы адæмæн бакодой, уыдоны хыгъд. Мæ бон зæгъын у уый, æмæ мах бæстонæй кусæм ацы проектыл. Ацы аз, ноябры мæймæ 8 хатты ацыдыстæм Кировы районы хъæутæм, æмæ рынчындæттæм аластам 28 адæймаджы», - РЦИ-Аланийы фæллойад æмæ социалон рæзты министры хæдивæг Габиты Ека. Ацы проекты фæрцы хъуамæ цыбыр рæстæгмæ социалон лæггæдтæ кæныны кусджытæ сбæрæг кæной, проект куыд ахады адæмыл, уый. Ныртæккæ сæйрагдæр у, цæмæй регионалон проект «Старшее поколение» - йы руаджы нæ республикæйы цæрджыты нымæц фæфылдæр уа. Уæдæ ацæргæ адæмы царды дæргъвæтиндзинад дæр хуыздæры рдæм 'аива. Къутæрты Аидæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv