Сæ тыхы бацыдысты банкты æмæ микрофинансон уагдæтты кредитты карздæр фæткæвæрдтæ

Цæгат Ирыстоны Национ банкы хайад хъусын кæны республикæйы цæрджытæн: ацы аз сæ тыхы бацыдысты банкты æмæ микрофинансон уагдæтты кредитты карздæр фæткæвæрдтæ. 1-æм январæй фæстæмæ, 1 азы æмгъуыдмæ цы кредит райсынц, уый хæсæвæрд нымад цæуы ног хуызы. Проценттæ, ивартæ, кæнæ «пени» кæй хонынц, уыдон хæсы бæрцæй иу æмæ рдæг фылдæр хъуамæ ма уой. Зæгъæм, кæд адæймаг кредит райста 20 мин сомæн, уæд фæстæмæ банкмæ хъуамæ бафида 50 мин сомы. Уыдонæй 20 мины - хæсы бæрц йæхæдæг, 30 мин сомы та - процент. 2019 азæй нырмæ йæ тыхы бацыд кредиты аргъы æххæст нымæц, алы боны процент та 1% фылдæр хъуамæ ма уа. Сæрмагонд нысаниуæг кæмæн ис, уыцы кредиттæ, ома 10 мин сомы, 15 боны æмгъуыдмæ кæй райсынц, уыдоныл ахæм фæткæвæрд нæ ахады. Ахæм хæсæвæрдтæ нæй дæргъвæтиндæр кæнын, стæй сæ бæрц фылдæр кæнын. Сæ уæлдай фыст хъуамæ 3 мин сомæй фылдæр ма уа. Зæгъæм, кæд адæймаг райста хæс 10 мин сомы, уæд æм хауы уыцы бæрцæй ма 30%. Сæрмагонд нысаниуæг кæмæн ис, уыцы кредиттæй иу бонмæ пайда кæнæн ис æрмæстдæр 200 сомы онг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv