Дзæуджыхъæуы базарадон экономикон техникумы студенттæ архайдтой финансон ахуырдзинады æппæтуæрæсеон

Дзæуджыхъæуы базарадон-экономикон техникумы студенттæ архайдтой финансон ахуырдзинады тыххæй Æппæтуæрæсеон олимпиадæйы. Уым æнтыстджынæй бацархайдтой не ’мзæххонтæ дæр. Олимпиадæйы сæйраг хæс уыд фæлхасгæнджыты зонындзинæдтæ финансон къабазы фæфылдæр кæнын. Йæ кæронбæттæн уыцы-иу рæстæг цыд Уæрæсейы 12 горæты: Мæскуы, Краснодар, Санкт-Петербург, Владивосток, Кемерово, Омск æмæ афтæ дарддæр. Стъараполы аграрон университеты фембæлдысты Цæгат Ирыстон, Цæцæн, Хъæрæсе-Черкес, Дагестан, Кæсæг-Балхъар æмæ Хъырымы минæвæрттæ. Финалмæ рацыдысты 64 адæймаджы. Се ’хсæн Дзæуджыхъæуы техникумы 7 студенты. Олимпиадæ у æрвылазон. Цæуы 1-æм сентябрæй 31-æм мартъийы онг. Арæзт у 3 къæпхæнæй. Кæронбæттæн хæслæвæрды ахуырдзаутæ ацыдысты тестировани, равдыстой сæ зонындзинæдтæ блиц-хъазты. Финансон ахуырдзинады олипиадæйы хæслæвæрдтыл бакуыстой Рухстауыны министрады кусджытæ. Фæлварæны уæлахиздзаутæ æмæ призертæн фадат уыдзæн льготæтæй спайда кæнын. Ома, Уæрæсейы хуыздæр экономикон ахуыргæнæндæттæм бахауын уыдзæн æнцондæр. Олимпиадæйы хатдзæгтæ скæндзысты мартъийы кæрон. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv