Нæртон кино

Цæгат Ирыстоны исынц Нарты кадджыты æмæ Кавказы адæмон зарджыты тыххæй документалон киноныв. Уый тыххæй нæ республикæмæ ссыд мæскуыйаг режиссер-документалист Павел Рязанцев. Сфæлдыстадон къорд фыццаджыдæр бабæрæг кодта Дзæуджыхъæуы парк «Нæртон». Федтой Нарты кадджыты хъайтарты скульптурæтæ. Режиссерæн экскурситæ сарæзтой ахуыргæндтæ. Историктæ йын радзырдтой кадджыты æмæ сæ хъайтарты тыххæй. Дарддæр та журналист йæ фæндаг акодта Дыгургоммæ. Уым хъуамæ фена Мæцутæйы историон æмæ культурон хæзна - Нарты Сосланы ингæн. Режиссер ма фембæлдзæн ирон зарæггæнджыты къорд «Уацамонгæ»-имæ. Киноныв исынц сфæлдыстадон проекттæн æххуысы программæйы фæлгæты. Йæ нысан у Кавказы культурæ æмæ аивады рæзтыл кусын æмæ йын гранттæй æххуыс кæнын. Программæ æххæст кæнынц нæ бæстæйы президент Владимир Путины уынаффæмæ гæсгæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv