Дзæуджыхъæуы байгом Беслæны терактимæ баст хуызистыты равдыст

Беслæны теракты амæттæгты рухс нæмттæ æрхъуыды кодтой Дзæуджыхъæуы Нырыккон аивæдты центры. Сарæзтой дзы къамты равдыст. Мадзал сарæзтой «Помнить, чтобы жить», зæгъгæ, сæрмагонд проекты фæлгæты. Равдыстытæ бацæттæ кодтой президенты гранты фæрæзтæй. Равæрдтой дзы 2004 азы, сентябры Беслæны 1-æм скъолайы цы трагеди æрцыд, уыцы къамты фотохроникæ. Ис дзы 100-йæ фылдæр хуызисты. Дзæуджыхъæуæй уæлдай ма равдыстытæ сарæзтой Кæсæг-Балхъары, Дагестаны, Хъæрæсе-Черкесийы, Волгоград, Мæскуы æмæ Санкт-Петербурджы. Уыимæ Цæгат Ирыстоны районты дæр. «Помнить, чтобы жить», зæгъгæ, проект райста грант 2 милуаны æмæ 800 мин сомы. Йæ разамонæг у комитеты æмсæрдар Гæдиаты Анетæ. Проекты фæлгæты йæ аразджытæ бакуыстой уыцы æвирхъау цауты тыххæй ноджы бæлвырддæр хабæрттæ ссарыныл. Бафтаудзыстæм ма уый æмæ документтæ апарахат кæндзысты «Беслæны мадæлты» комитеты официалон сайты. Пъланмæ гæсгæ, сараздзысты тымбыл стъолтæ æмæ лекцитæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv