РЦИ-Аланийы æнæнхъæлæджы уавæрты министрады управлени сбæрæг кодта йæ равзæрды 31 азы бон

Ирвæзынгæнæджы бон сбæрæг кодтой Цæгат Ирыстоны. Бæрæгбоны фæдыл сын арфæйы ныхæстæ ракодта Æнæнхъæлæджы цауты управленийы разамонæг Александр Хоружий. Хуыздæрты фæнысан кодта майдантæ æмæ Кады гæххæттытæй. Раззагдæрты ’хсæн уыд Мæздæджы районы зынгхуыссынгæнæн-ирвæзынгæнæн гарнизоны разамонæг Сергей Осовин. Хорзæхджынгонд æрцыд «За заслуги перед Отчеством»-ы майданæй. Ахæм орденæй ма схорзæх кодтой сæйраг управленийы оперативон цæттæдзинад æмæ терроризмæй хъахъхъæнынады хайады хицау Александр Степины. Александр Хоружий куыд фæнысан кодта, афтæмæй кусджытæн сæ фыдæбон у ахадгæ æмæ тынг ахсджиаг. Сæйрагдæр сын у адæмæн æххуыс кæнын, зын сахат сæ фарсмæ балæууын, уыимæ фыдбылызты фæстиуджытæ иуварс кæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv