Инвалидтæн - куысты бынæттæ

Йе `нæниздзинад хъыгдард кæмæн у, уыцы адæмæн ныртæккæ зынтæй у сæ бон куыст ссарын. Фылдæр куыстуæттæ дзуапп нæ дæттынц сæрмагонд домæнтæн. Уыимæ нæ республикæйы инвалидтæ, кусын сæ бон кæмæн у, фæлæ куыст чи нæ ары, ахæмтæ фылдæрæй-фылдæр кæнынц. Ныртæккæ сты 24 мины. Адæмы куысты бынæтты æвæрыны комитет уыцы фарста алыг кæнынæн йæхи мадзал æрхъуыды кодта. Цавæр, уый зоны не сфæлдыстадон къорд дæр. Бакæсæм сæм! Хъазгæ, худгæ æмæ заргæйæ Базраты Зойæ алы бон дæр йæ кусæнгарзы цур абады æмæ дзаумæттæ æлхъивæнтæ иугай аразы. Куыст йæ зæрдæмæ цæуы. 60 азæй фылдæр ам йæхи ирхæфсы. Куыд зæгъы, уымæ гæсгæ дзы зынæй ницы ис. Базраты Зойæ Алчидæр нæ йæхи куыд фæнды, афтæ архайы. Æз мæнæ иу цалдæр къæппæджы мæ кухмæ райсын æмæ сæ фидар кæнын кæрдзийыл. Телæй сæ балвасын. Зын куыст нæу. Зындзинад та æндæр фæдыл æвзарынц! Куыстуаты ныртæккæ архайы 55 адæймаджы. Бæстыхай сæрмагондæй конд у афтæ, цæмæй дзы арæхсой йæ нæниздзынад хъуыгдард кæмæн у, уыцы адæм дæр. Фæлæ сæ ныхæстæм гæсгæ, афтиаг бирæ нæу. Зындзинæдтæ дæр дзæвгар. Бынтон æвзæр уавæрмæ æрхауд - æхцайæ æххуыс сын куы никæцæй уал цыд, уæд. Фæлæ кустуат сыхгæнын æмæ адæмы æддейы ныууадзыныл хицау æппындæр нæ хъуыды кæны. Уый та куыд, зæгъгæ. Уæддæр гыццыл æхцайы фæрæзтæ рацагуры, цæмæй ам адæм æнæ куыстæй ма баззайой. Æрæджы ног кусæнгæрзтæ балхæдта, æмæ ныфс дары куст хуыздæр кæй цæудзæн,уый. Фæллойы æмæ социалон рæзты министрад дæр инвалиддæм лæмбынæг йæ хъус дары. Архайынц, фылдæр кусæн бынæттæ сын цæмæй скæной, ууыл. Ныридæгæн ма цалдæр куыстуаты ифтонг æрцыдысты хъæугæ куснæгæрзтæй. Солтамты Юлия Нæ руспубликæйы цæры 67 мин инвалиды. 24 мины дзы нырма кусæнхъом? сты. 2017 азы адæмы кусты бынæтты æвæрыны комитеты руаджы 190 адæймаджы, йе нæниз хъагдард кæмæн у, кусæн бынæттæ ссардтам. Специалисттæ куыд зæгъынц, афтамай куыстуæттæ сæрмагондæй сифтонг кæнын æнцон нæу. Йе нæниздзинад хъуыгдард кæмæн баййæфта, уыцы адæм куст агургæйæ фылдæр кæнынц. Адæмы кусты бынæтты æвæрыны комитеты уый тыххæй ныр хъавыц номхыгъдмæ фылдæр дæсныйæдтæ бахæссын. Инвалидтæн сæ бон уыдзæн кусын экономисттæй дæр, библиотекарьтæй, згъæрыл кусæгæй æмæ сывæллæттæн цины мадзæлттæ аразæгæй. Гогаты Марат, Томайты Аланæ, Суанты Алан - Ирыстоны Хабæрттæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv