Фæзминаг фæсивæд

Дзæуджыхъæуы базарадон-экономикон техникумы студент Цхуырбаты Алыксандр ссис æппæтуæрæсейон конкурс «Мæ закъондæттынады хъæппæрис», зæгъгæ, уый Гран-прийы аккаг. Йæ радон къæпхæн ахицæн ис Мæскуыйы. Конкурсы архайдтой 200 адæймагæй фылдæр. Цæгат Ирыстоны делегацийы уæнгты `хсæн уыдысты, фæсаууонмæ туры чи фæуæлахиз, уыдон – техникумы студенттæ æртæйæ. Мæскуымæ араст сты сæ зонадон разамонæгимæ. Фæлварæнтæ кæй цур лæвæрдтой, уыдон сын сæ зонындзинæдтæн скодтой бæрзонд аргъ. Дипломтæй хъауджыдæр ма, конкурсы иуæй-иу архайджытæн саккаг кодтой сæрмагонд нысан «Депутатты резерв», зæгъгæ. Уыцы хорзæхтæ фæсивæдæн радтой Паддзахадон думæйы. Дзæуджыхъæуы базарадон-экономикон техникумы студент Цхуырбаты Алыксандр: «Конкурсы мидис уыдис, ныртæккæйы закъонæвæрынады цы ивддзинæдтæ цæуы, уыдонимæ баст. Студенттæ агуырдтой къулымпыдзинæдты æлхынцъ райхалыны фæрæзтæ. Сæ иртæстыты руаджы-иу сæхи `хсæн рахастой бæрæг фæндон. Фæстæдæр та-иу æй балæвæрдтой бæрзонддæр æмвæзадмæ. Зæгъæм, æнхъæлцау сылгоймæгты ныхмæ фыдракæндтæ ныронг нымад уыдысты иу адæймаджы ныхмæ фыдракæндыл. Мах фæнды, цæмæй афтæ ма уа. Уымæн æмæ чи нæма райгуырд, уый дæр адæймаг у. Фæнды нæ уыцы домæн ныффидар кæнын. Ахæмтæ сты нæ куысты сæйрагдæр хæстæ».   _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv