«Пъæлицæйы фидауд»

«Пъæлицæйы фидауд»... Дзæуджыхъæуы сбæрæг кодтой барадхъахъхъæнæн оргæнты кусæг рæсугъддæр æрыгон сылгоймаджы. Конкурсы архайдтой 30 чызджы, Цæгат Ирыстоны алы районы минæвæрттæй дзы равзæрстой 12 - сы. Сæ арæхстдзинад, æмæ рæсугъддзинад равдыстой финалы. Конкурс аразджыты ныхæстæм гæсгæ, хуыздæр чызг равзарын æнцон нæ уыд. Кæд æркасты хæслæвæрдтæ зын уыдысысты, уæддæр сæ алкæй бон дæр сæххæст кæнын бацис. Профессионалон конкурс арæзт уыд цыппар хайæ. Фыццаджы чызджытæ хъуамæ жюрийы уæнгтæн сæхи бацамыдтаиккой æмдзæвгæйы хуызы. Уый фæстæ сæ бахъуыд Уæрæсейы пъæлицæйы куыст зонынæй фарстатæн дзуапп раттын. Фæлæ мадзалы фылдæр хай сбастой Кавказ фашисттæй куы суæгъд кодтой, ууыл 75 азы кæй сæххæст ис, уыимæ. Кæронбæттæны чызджытæ равдыстой кафынмæ куыд арæхсынц, уый. Сæхи равдыстой европейаг уæлæдарæсы дæр. Конкурсы архайджыты фарс рахæцынмæ æмæ сын раарфæ кæнынмæ æрбацыд нæ республикæйы парламенты сæргълæууæг Алексей Мачнев. Жюри уæнгтæ та уыдысты тыхы структурæты æмæ барадон оргæнты минæвæрттæ. Æркасты уæлахиздзау ссис Мæздæджы районы пъæлицæйы кусæг - лейтенант Аидæ Дациева. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv