Сергей Меняйло фембæлд республикæйы цæрджытимæ
Сергей Меняйло фембæлд республикæйы цæрджытимæ. Регионы разамонæгмæ алыхуызон фарстатимæ æрбацыд 12 адæймаджы. Бирæтæ баст уыдысты куыд сæхи, афтæ æхсæнадон хъуыддæгтимæ. Фембæлды архайдтой профилон министртæ æмæ æндæр бæрнон кусджытæ. Горæтгæрон районы Ирыхъæуы цæрæг Уалыты Тамарæ Сергей Меняйломæ фæсидт, цæмæй хъæуы Фидель Кастройы номыл уынг сцалцæг кæной. Дзуапп райста сентябрьмæ фæндаджы хаймæ, кæй базилдзысты, уый. Дур-Дуры цæрæг Баййаты Каринæйы курдиат та уыд хъæуы сывæллæтты ног рæвдауæндон саразыны фæдыл. Ныртæккæйы бæстыхай ис заууат уавæры. Районы сæргълæууæг Цагъаты Сослан куыд радзырдта, афтæмæй «Комплексное развитие сельских территорий», зæгъгæ, паддзахадон программæмæ гæсгæ фæнд кæнынц 120 бынатимæ рæвдауæндон саразын. Куыстытæ райдайдзысты хæстæгдæр рæстæг. Республикæйы сæргълæууæг бахæс кодта объект 2025-æм азы 1-æм сентябры эксплуатацийы радтын. Курдиæттæ баст уыдысты сывæллæттæн хъазынæн фæзтæ саразын æмæ фæнæгты уавæримæ. Сергей Меняйло дзуапдæттæг ведомствотæн бабар кодта алы курдиатмæ дæр æркæсны æмæ баххæст кæнын.
Сергей Меняйло фембæлд республикæйы цæрджытимæ. Регионы разамонæгмæ алыхуызон фарстатимæ æрбацыд 12 адæймаджы. Бирæтæ баст уыдысты куыд сæхи, афтæ æхсæнадон хъуыддæгтимæ. Фембæлды архайдтой профилон министртæ æмæ æндæр бæрнон кусджытæ. Горæтгæрон районы Ирыхъæуы цæрæг Уалыты Тамарæ Сергей Меняйломæ фæсидт, цæмæй хъæуы Фидель Кастройы номыл уынг сцалцæг кæной. Дзуапп райста сентябрьмæ фæндаджы хаймæ, кæй базилдзысты, уый. Дур-Дуры цæрæг Баййаты Каринæйы курдиат та уыд хъæуы сывæллæтты ног рæвдауæндон саразыны фæдыл. Ныртæккæйы бæстыхай ис заууат уавæры. Районы сæргълæууæг Цагъаты Сослан куыд радзырдта, афтæмæй «Комплексное развитие сельских территорий», зæгъгæ, паддзахадон программæмæ гæсгæ фæнд кæнынц 120 бынатимæ рæвдауæндон саразын. Куыстытæ райдайдзысты хæстæгдæр рæстæг. Республикæйы сæргълæууæг бахæс кодта объект 2025-æм азы 1-æм сентябры эксплуатацийы радтын. Курдиæттæ баст уыдысты сывæллæттæн хъазынæн фæзтæ саразын æмæ фæнæгты уавæримæ. Сергей Меняйло дзуапдæттæг ведомствотæн бабар кодта алы курдиатмæ дæр æркæсны æмæ баххæст кæнын.