Æнæниз цардыуаг æмæ спортивон объектты фарстатыл дзырдтой хицауады уæнгтæ

Æнæниз цардыуаг парахат кæнын æмæ спортивон объекттæ чи аразы, уыцы компанитӕм санкциты рæстæг фæкæсын. Уый тыххæй дзырдтой хицауады кусæг къорды æмбырды. Мадзалы архайдтой хицауады сæрдар Дзанайты Барис æмæ йæ хæдивæг Тугъанты Ларисæ. Видеобастдзинады фӕрцы йæ амыдта президенты æххуысгæнæг Игорь Левитин. Бæрнон кусджытæ се 'ргом аздæхтой, спортивон объекттæн раздæр цы фæсарæйнаг кусæнгарз æлхæдтой, уый хи фæрæзтæй цы хуызы ис баххæст кæнын, уыцы фарстамӕ. 2021 азы нацпроекты фæлгæты Дзæуджыхъæуы фæзынд спортивон хъæбысхæстæй тренировкæгæнæн Центр. Тагъд рæстæджы ахæм комплекс фæзындзæн Æрыдоны дæр. Паддзахады æххуысæй ног кусæнгарзæй сифтонг кодтой физкультурон комплекс Мæздæджы æмæ Южный поселочы дзæбæхгæнæн комплекс. Программæйы фæлгæты ма дарддæр цæуы «Спартак» стадионы рацарæзт. Уымæй уæлдай Дзæуджыхъæуы фæнд кæнынц æхгæд футболон манежы арæзтад. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv