Цæгат Ирыстон чингуытæ балæвар кодта таджикаг æхсæнад «Памир»-æн

Таджикистаны Хæххон Бадахшанскы областы скъоладзаутæн фæзындзæн фадат уырыссаг æвзагыл фыст чингуытæй ахуыр кæнынæн. Гуманитарон акцийы фæлгæты нæ республикæйы æхсæнадон палатæйы руаджы бантыст 1500 чиныгæй фылдæр æрæмбырд кæнын. Сæ фылдæр сты ахуыр кæнынæн æмæ уырыссаг классикты уацмыстæ. Чингуытæ æрæмбырд кæнынæн стыр æххуыс бакодтой нæ республикæйы æхсæнадон æмæ æнæкоммерцион организацитæ, чиныгдæттæ, стæй бæрнон министрадтæ. Æхсæнадон палатæйы сæргълæууæг Нина Чиплакова æмæ таджикаг диаспорæ «Памир»-ы сæрдар Арсен Худадодов бафыстой бадзырд. Уымæ гæсгæ чингуытæ æрвыст æрцæудзысты Таджикистаны Хæххон Бадахшанскы областы скъолатæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv