Уыцы-иу сыффыттæй!

Арвыкомы фæндаджы цы рад лæууыд ацы сæрд, уый нал ис. Баст у, Гурдзыстонмæ адæм бирæгæйттæй кæй нал тырнынц, уыимæ. Ахæм хъусынгæнинаг апарахат кодта агентад ТАСС Цæгат Ирыстоны Æнæнхъæлæджы уавæрты министрады пресс-службæйы ныхæстыл æнцайгæйæ. Уæ зæрдыл уын æрлæууын кæндзыстæм, уадзæн пункт Уæллаг Ларсы рады лæууын хъуыдис 10 сахатæй фылдæр. Цæмæй уавæр фæрогдæр уа, уый тыххæй йæ сифтонг кодтой уæлæмхасæн фæрæзтæй. Æххуысмæ æрбацыдысты иннæ регионты таможняйы кусджытæ дæр. Адæм дзы ныр хизынц 19 уадзæн пунктыл. Арвыкомы фæндаджы цур ма раздæрау кусынц кафетæ æмæ медицинон пункттæ. Бæлвырддæр информаци райсæн ис Цæгат-Кавказы таможняйы разамынды официалон сайты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv