Пълицæйæгтæ æмæ ÆФС йы кусджытæ æрцахстой наркотиктæ парахатгæнæджы

Наркотиктæ æнæзакъонæй чи пархат кодта, уыцы адæймаджы æрцахстой Цæгат Ирыстоны пълицæйæгтæ æмæ Æдасдзинады федералон службæйы разамынды кусджытæ. Дзæуджыхъæуы 57 аззыд нæлгоймаг йæ йæхæрадоны ныссагъта гæны къудзитæ, цы тыллæг рамыбрд кодта уый та иу хæдзары цары хус кодта. Закъонхалæджы тыххæй фæхабар кодтой наркотикты ныхмæ зилдухы управленимæ. Йæ кусджытæ бынаты сарæзтой иртасæн мадзæлттæ. Дзæуджыхъæуы цæрæгмæ рабæрæг кодтой 5 кг гæн. Куыд радзырдта, афтæмæй сæ йæхицæн ныссагъта, парахат кæнынмæ та сæ нæ хъавыд. Ныртæккæ закъонхалæджы ныхмæ байгом кодтой уголовон хъуыддаг Уæрæсейы уголовон кодексы 228-æм статьямæ гæсгæ. Ахæм хъуыддаг ма байгом кодтой Горæтгæрон районы дæр. Уым 26 аздзыд нæлгоймаг та парахат кодта героин. Хъавыди йæ нæ республикæмæ æрбаласын, фæлæ йæ пъæлицæйæгтæ æрцахстой. Ссардтой йæм 3 чырæ телефоны, банчы картæтæ, фыстæджытæ æмæ дзæкъулты тыхтонтæ. Героины бæрц уыд 456 граммы. Закъонхалæг йæ аххосыл басаст. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv