Сæйрагдæр фарстатæ

«Зæрдæйы низтимæ тох» æмæ «Фыццаг медицинон æххуыс райсыны уагæвæрд». Ацы дыууæ программæйы кусдзысты 6 азы, абон сæ сбæлвырд кодтой Цæгат Ирыстоны проектон офисы архайджытæ. Фидæны республикæйы амбулатурон пункттæ бындуронæй рацараздзысты. Федералон æмæ республикон бюджеты фæрæзтæй сцалцæг кæндзысты 43 бæстыхайы. Фæндаггон картæйы проектмæ гæсгæ, сæ нырыккон домæнтæн дзуапп чи дæтты, ахæм медицинон кусæнгæрзтæй сифтонг кæндзысты. Кардиографтæй, тонометртæй æмæ дефибриллятортæй. Уыимæ медицинон объектты кусджыты дæсныйад дæр фæхуыздæр уыдзæн. Ахсджиаг хъуыддагмæ цæст дардзысты хицауады уæнгтæ дæр. Республикæйы сæргълæууæг Битарты Вячеслав бахæс кодта сæрмагонд программæ саразын. Уымæ гæсгæ амбулаториты дохтырты ахуыр кæндзысты ног техникæйæ раст пайда кæныныл. Программæ «Медицинæ»-йы фæрцы, адæмы зонгæ кæндзысты низтæй хи куыд бахъахъхъæнын хъæуы, уыимæ. Программæйыл проектон офисы архайджытæ бындуронæй æрдзурдзысты сæ радон æмбырды. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv