Дзæуджыхъæуы цæуы æппæтадæмон наукон практикон конференци

«Регионты райрæзт 21 æнусы». Ахæм сæргондимæ Дзæуджыхъæуы цæуы æппæтадæмон наукон-практикон конференци. Мадзал арæзт у ныр 3-аг хатт. Баст у Цæгат Ирыстоны паддзахадон университеты географион ахуырады 100 азы бонимæ. Йæ архайджытæ докладтæ бацæттæ кодтой дыууæ темæмæ гæсгæ – «Туризм, экологи æмæ географийы регионалон аиуварсгæнинаг фарстатæ» æмæ «Ахуыргæндты æвæрæн регионты райрæзтмæ». Наукон-иртасæн куыстыты хатдзæгтæ адæмы размæ рахæсдзысты 150 фæлтæрдджын æмæ æрыгон ахуыргонды бæстæйы 35 регионæй, стæй Израиль, Украинæ, Белорусси æмæ Казахстанæй. Фæнысан ма кæндзыстæм уый, æмæ конференцийы раарфæ кодтой географион наукæты доктор Беруаты Барисæн йæ 85 азы юбилейы фæдыл. Уæдæ дзы ссардтой историон наукæты доктор Хъуысаты Генрийы рухс ном дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv