Волгограды уынгтæй иу ныр хæссы Советон Цæдисы хъæбатыр, инæлар Плиты Иссæйы ном

Ахæм хъæппæрис разынд Волгограды цæрæг ирæтты æхсæнадмæ. Хабары тыххæй хъусын кæны Цæгат Ирыстоны Ветеранты Советы сæрдары хæдивæг Бедойты Руслан. Йæ ныхæстæм гæсгæ, Плиты Иссæйы ном хæсдзæн, ныртæккæ Волгограды цы ног уынг аразынц, уый. Бынæттон цæрджытæн фадат уыдзæн инæлары хъæбатырдзинады тыххæй базонын, сæ горæт, раздæр Сталинград кæй хуыдтой, уый бахъахъхъæныныл кæй архайдта. Ирон диаспорайы минæвæрттæ ма фæнд кæнынц горæты администрацимæ курдиат бадæттын, цæмæй Волгограды уынгтæй иуæн снысан кæной Советон Цæдисы хъæбатыр, не`мзæххон Карсанаты Хъазыбеджы ном. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv