Сывæллæтты театр «Саби» ацæудзæн гастролты

Сывæллæтты театр «Саби» ацæудзæн гастролты Якути, Сыбыр æмæ Хуссар Ирыстонмæ. Ацы аз, театр уыди Абхазийы. Уым артисттæ сывæллæтæн равдыстой абхазаг эпикон уацмыс «Дочь солнца» - зæгъгæ, æмæ ма дыууæ спектаклы. Уыдон та баст уыдысты Нарты кадджыты темæимæ. 2020-æм азы сывæллæтты театр «Саби» йæ 80-æм театралон сезоны фæнд кæны ацæуын цалдæр гастролон балцы. Февралы труппæ хъуамæ ацæуа Хуссар Ирыстонмæ, июны та ацæудзысты Якутимæ. Фæззæджы сæм æнхъæлмæ кæсдзыты Сыбыры, Абаканы. Уымæй уæлдай 2020-æм азы хъуамæ бæстонæй бацалцæг кæной сывæллæтты театр «Саби». Уыцы куыстытæ конд æрцæудзысты национ проект «Культурæ»-йы руаджы. Хъуамæ ивд æрцæуой театры сæр, пъолтæ, рудзгуытæ. Базилдзысты къултæм æмæ пъадвалмæ. «Саби» нæ республикæйы байгом 25 июны 1940 азы. Кусджыты къорд æмбырдгонд æрцыди Уырыссаг драмон театры артисттæй, стæй хихъæппæрисадон къордтæй. Ныртæккæ театры къорд гастролты вæййы Уæрæсейы алы горæтты. Цæттæ кæны бирæ алыхуызон мадзæлттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv