Ансамбль «Иристон» Хетæгкаты Къостайы номыл паддзахадон университеты 100 азы юбилеймæ, радта концерт

Хетæгкаты Къостайы номыл паддзахадон университетыл ацы аз æххæст кæны 100 азы. Уый фæдыл дзы абон сарæзтой концертон программæ. Адæмон ансамбль «Ирыстон» ныридæгæн у хъуыстгонд æрмæст нæ республикæйы нæ, фæлæ ма фæсарæнты дæр. 40 азæй фылдæр йæ цымыдисаг концертон программæйы фæрцы рухс кæны аивадуарзджыты зæрдæтæ. Йæ зонындзинæдтæ æмæ йæ фæлтæрддзинад та сын лæвар кæны - Уæрæсейы сгуыхт артист, ансамбль «Ирыстон»-ы разамонæг - Плиты Махарбег. Къорды алы кафт дæр у цымыдисаг æмæ арфхъуыдыджын. Абон цы концертон программæ бацæттæ кодтой, уым та равдыстой «Симд» æмæ алыхуызон адæмыхæтыты кæфтытæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv