Нæхи богæлттæ

Уæлахиздзаутæ сыздæхтысты Ирыстонмæ. Цыппар цæгатирыстойнаг богалы архайдтой Европæйы чемпионаты Стамбулы. Ерыстæ цыдысты æрыгæтты, 23 азы кæуыл нæма цæуы, уыцы фæсивæды `хсæн. 79 килограммы онг уæзы хуыздæр разынд Уалыты Радик. Йæ ныхмæлæуджытæй се `ппæтыл фæуæлахиз уæвгæйæ, сызгъæрин майдан райста Сидахъаты Зауырбег. Хæцыд 74 кг онг уæзы. Зауыр кæронбæттæны фембæлд, Словакийы сæрыл чи хæцы, ахæм ирон богал – Гулаты Æхсарбегимæ. Дыууæ сызгъæрин майданæй фæстæмæ ма ирон богæлттæ рамбылдтой æвзист æмæ бронзæ майдан. Хуыбаты Хасанæн цæфы аххосæй кæронбæттæны хæрз чысыл нал сфаг сты йæ тыхтæ, æмæ фæхæрд польшæйаг спортсмен Камил Касиоликæн. Турниры бронзæ майдан та æрхауд Цæкуылты Батырбегæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv