50 азы фæлтæрддзинад

Дзæуджыхъæуы вагæттæ цалцæггæнæн заводы кусæг Таисия Дашкова ТА бацахста дыккаг бынат "Куыстуæтты амынддзинады" номинацийы. Райста йæ æппæтуæрæсеон форум "Амынддæттæджы" фæлгæты. Мадзалмæ сæмбырд цалдæр мин адæймаджы æппæт бæстæйæ. Алы хайæдты хуыздæр кусджытæ, йæ фæлтæрддзинадыл фæсивæд æхсызгонæй чи ахуыр кæны, уыдон кæрæдзийы федтой. Не `мзæххон ссис хуыздæртæй иу. Таисия Дашковайы цардвæндаджы тыххæй хуыздæр радзурдзæн нæ уацхæссæг. Таисия Дашкова Стъараполы райгуырд. Скъола каст куы фæци уæд æрцыд Ирыстонмæ. Фæнд кодта дохтыры дæсныйадыл сахуыр кæнын, фæлæ фæлварæнты бæрæггæнæнтæ иу балл къаддæр кæй уыдысты, уый аххосæй йæ медицинон институтмæ нæ райстой. Уыцы цау ын йæ цардвæндаг аивта. Æрыгон чызджы дарддæр цæрын куыд нæ хъуыд. Куыстагур æрбацыд заводмæ. Æмæ ныр 50 азы Таисия æнзæрдæхудтæй фæллой кæны. Куыста инженер-технологæй, мастерæй, хицауы хæдивæгæй, уый фæстæ та продукцийы хæрзхъæддзинад бæрæггæнæн хайады разамонæджы хæдивæгæй. Йе `мкусджытæ йын стыр аргъ кæнынц. Куысты фæдыл ын цымæйфæнды дæр бафæрс - алцæмæн дзуапп ратдзæн. Технологон фарстатæ иууылдæр зоны. «Мæ царды бирæ хорз ахуыргæнджытæ æмæ амонджытæ уыд. Сæ куыстыл æнувыд уыдысты, уарзтой, зыдтой сæ куыст, сæ фæлтæрддзинадæй мын фæхай кодтой. Ахæм дæнцæджы руаджы зæрдæргъæвдæй бирæ азты уымæн фæкуыстон.» Таисия йæхæдæг мидбылхудгæйæ куыд зæгъы афтæмæй "йæ царды поезд ацы заводимæ баст у ". Заводы кусгæйæ, бацæттæ кодта 100 специалистæй фылдæр: слесырты, техникон системæйы уавæрмæ чи кæсы ахæм специалистты æмæ æндæрты. «Уый мæм зын æппындæр нæ кæсы, æз афтæ хъуыды кæнын æмæ алы адæймаг дæр йæ зонындзинæдтæ кæстæр фæлтæрæн æнæвгъауæй хъуамæ лæвар кæна. Инструкцийы бæсты, хуымæтæг æвзагæй амындзинæдтæ куы фæдæттын, уæд мæ æнцондæрæй бамбарынц, куыст дæр сæ зæрдæмæ фылдæр цæуы. Æмæ цард куыд амоны æцæгæйдæр дæр иу афтæ рауад». Таисияйы хуызæн фæлтæрдджын ахуыргæнджытæн республикæйы промышленность æмæ транспорты министрад дæр æххуыс кæны. Министр Хайдарбек Бутовы ныхæстæм гæсгæ кусæг дæсныйæдтæ чи равзæрста æмæ дзы бирæ азты чи фыдæбон кæны, уыцы адæмы тыххæй арæх дæр дзурын хъæуы. «Тынг ахсджиаг хъуыддаг у уыцы традицитæ сæндидзын, цæмæй сыл фæсивæд ахуыр кæна. Амынддзинад - у сæрмагонд ахуыр кæныны системæ, йе руаджы ис ног куысты бынæттæ саразын . Советон рæстæджы дæр афтæ уыд. Уымæн мын у æхсызгон, мæ зæрдæ дарын хуыздæры рдæм кæй сахаддзæн æмæ фæсивæд се ргом кусæг дæсныйæдтæм фылдæр кæй раздахдзысты, ууыл. Куыстуæттæ æмæ студенттимæ бастдзинад æнгом кæнын - ууыл ныртæккæ архайынц промышленность æмæ транспорты министрад. Æрыгон адæмæн фадат ис сæ тыхтæ заводы практикæйы хуызы бавзарынæн. Хистæр фæлтæры амынддзинæдтæ та ацы хъуыддаджы вазыгджын бынат ахсынц. Брытъиаты Феликс Мысыккаты Сæрмæт, Суанты Алан Ирыстоны хабæрттæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv