Дзанайты Барис фембæлд республикæйы профцæдистимæ

Социалон æмæ фæллойадон гæнæнтæ, кусджыты разæнгардгæнæн мадзæлттæ æмæ хуыздæр куыстадон уавæртæ. Премьер Дзанайты Барис фембæлд профцæдисты федерацийы разамонæг Касаты Таймураз æмæ Цæгат Ирыстоны профцæдисон змæлды раззагдæртимæ. Премьер-министр Дзанайты Барис фыццаджыдæр фæнысан кодта хицауады оргæнтæ æмæ республикæйы профцæдисты æнгом æмархайды ахъаззагдзинад. Сæйраг нысан – адæмы цардхъомдзинад æмæ куыстадон уавæртæ фæхуыздæр кæнын. Профцæдисты федерацийы разамонæг Касаты Таймураз æрдзырдта æртæвæрсыг къамисы пайдайы тыххæй. Ныртæккæ арæзт æрцыдысты кусæг къордтæ. Сæ фæрцы куыстдæтджытæ, хицауад æмæ профцæдистæм цы фарстатæ сæвзæрынц, уыдоныл куыст æрцæуы рагагъоммæ. Республикæйы цæрджыты социалон æмæ фæллойадон гæнæнтыл дзургæйæ, фыццаджыдæр æргом здæхт æрцыд кусджыты разæнгардгæнæн мадзæлттæ æмæ хуыздæр куыстадон уавæртæ саразынмæ. Дзанайты Барис дзуапдæттæг министрадтæн бабар кодта фарстатыл бакусын æмæ æмбырды архайджыты размæ ног фæндонтæ рахæссын. Цæгат Ирыстоны профцæдисты федераци у республикæйы бирæнымæцон æхсæнадон организаци, зæгъæн ис, æмæ æххæссы регионы экономикæйы æппæт къабæзтыл дæр.