Хуыздæртæн - лæвæр

Цæгат Ирыстоны бæлвырд наукæты йæхи чи фæлвары, уыдонæн фадат фæзынд Сочийы ахуыртæ ацæуынæн. Хъæппæрисыл сахадыдта ахуырадон центр «Сириус». Фæсивæд ацы гæнæнæй пайда кæнынц. Зæгъæм, ивгъуыд аз Цæгат Ирыстонæй центрмæ ацыдис 20 адæймаджы. Фæсивæдæн сæ зонындзинæдтæ уарынц фæлтæрдджын ахуыргæнджытæ. Фадат ма сын ис кæрæдзийы зонындзинæдтæй пайда кæнынæн дæр. Ахсджиаг уый у, æмæ сæ уымæн фидын нæ хъæуы. Центры ахуыртæ пайда сты куыд фæсивæдæн, афтæ ахуыргæнджытæн дæр. Куыд зæгъынц, афтæмæй скъолайы программæйæ уæлдай ма фæсивæд исынц ног зонындзинæдтæ. Ахуырадон центр «Сириус» Сочийы ис. Æрвылаз уырдæм бахауынц нæ бæстæйы курдиатджын фæсивæд. Къабæзтæ алыхуызон сты: наукæ, аивад, спорт, литературон сфæлдыстад. Центрмæ хъæуы æрмæст курдиат бадæттын æмæ цалдæр хæслæвæрды сæххæст кæнын. Кæд скъоладзау æвзæрстытæ ацæуа, уæд сæ Сочимæ ахондзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv