Сергей Меняйлойы разамындæй ацыд аппаратон æмбырд

Цæгат Ирыстоны афтекты царынæн æнæмæнг хъæугæ хостæ ис, æви нæй? Уавæр æрвылбон бæрæггонд цæуы. Ныридæгæн басгæрстой 28 пункты. Æдæппæтæй фенынвæнд кæнынц 200 афтекы. Уый тыххæй фехъусын кодтой республикæйы хицауады аппаратон æмбырды. Амыдта йæ регионы разамонæг Сергей Меняйло. Ныхас цыд хойрæгты æргътыл дæр. Уымæй уæлдай, фæнысан кодтой инвестицион проекттæ æмæ экономикон уавæр. Нæ уацхæссæг Дæдзойты Фатимæ бæлвырддæр радзурдзæн. Хостæ Цæгат Ирыстоны афтекты, мартъийы райдианимæ абаргæйæ, фæзынаргъдæр сты æхсæзæй фынддæс проценты онг. Уый тыххæй аппаратон æмбырды фехъусын кодтой Æнæниздзинадмæ цæстдарды управленийæ. Уый хыгъд, æнæмæнг хъæугæ хосты аргъ æппæты уæлдæр нысангонд бæрæггæнæнæй фылдæр нæу. Ныхас цыд хойрæгты æргътыл дæр. Ивгъуыд къуырийы радон æмбырды рæстæг Сергей Меняйло Экономикæйы министрадæн бабар кодта сбæрæг кæнын, æнæмæнг хъæугæ продуктты рауагъдад регионы цас у, уый. Дзуапдæттæг министр Кучиты Зауыры ныхæстæм гæсгæ, республикæ хи уагъд продукцийæ ифтонг кæны æрмæст 10%, иннæ базайрæгтæ сты æрбаласгæ. Се 'хсæн, зæгъæм, ссад дæр. Сергей Меняйло бабар кодта республикæйы экономикон райрæзты сæрмагонд æууæлтæ сбæрæг кæнын. Хъæугæ продукци чи уадзы, уыдонæн та баххуыс кæнын. Бакусын хъæуы, цæмæй экономикон уавæр ма фæцуда. Уый тыххæй та ахсджиаг сты инвестицион проекттæ. Аппаратон æмбырды æрныхас кодтой социалон æххуысы мадзæлттыл дæр. Уыдоныл ныхас цыд бæстæйы Президентимæ фембæлды рæстæг дæр. «Бюджетон къабазы кусджыты мызд æмæ социалон фиддонтæ хъуамæ уой афойнадыл». — загъта регионы разамонæг. Сергей Меняйло куыд бафиппайдта, афтæмæй ивгъуыд къуырийы аппаратон æмбырды хæслæвæрдтæ иууылдæр æххæстгонд не 'рцыдысты, уый. Дзуаппдæттæг ведомствæтæ æппæты хъуыддæгты тыххæй дæр бæлвыд информаци хъуамæ бацæттæ кæной цыбыр рæстæгмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv