Республикæйы цæрджытæй льготæтæ чи исы, уыдонæй 922 адæймаджы баулæфыдысты санаторийты

Республикæйы цæрджытæй льготæтæ чи исы, уыдонæй 922 адæймаджы баулæфыдысты санаторийты. Сæхи дзæбæх кодтой Цæгат Ирыстон, Стъарапол æмæ Краснодары крайтæ, стæй Хъырымы санаторийты. Ууыл, æмткæй райсгæйæ, регионалон социалон фонд схардз кодта 22 милуан сомæй фылдæр. Уæ зæрдыл уын æрлæууын кæндзыстæм, санаторон-курортон бынæтты æнæниздзинад фæхуыздæр кæныны бар ис, федералон льготӕисӕгыг нымад чи у, уыдонæн. Сæрмагонд медицинон æууæлтæм гæсгæ йе 'нæниздзинад хуыздæр кæнын хъуаг кæмæн у, стæй санаторий кæнæ курортмæ ацæуыны лæггæдтæй спайда кæнын кæй фæнды, уыдон хъуамæ паддзахадон лæггæдты порталы уылты курдиат бадæттой, кæнæ та сæхæдæг регионалон социалон фонды хайадмæ æрбацæуой. Уæдæ бирæвæрсыг центрты уылты дæр сæ бон у ахæм курдиат бадæттын. Санаторийтæ æмæ курорты хи дзæбæхкæнæн рæстæг у 18 боны. Хъыгдард æнæнниздзинадимæ сывæллæттæн та - 21 боны. Сæры кæнæ астæухъæды магъз хъыгдард кæмæн у, уыдонæн та - 24 бонæй 42 бонмæ.