Инвестицион форумы Сочийы Цæгат Ирыстон равдисдзæн бальнеологийы райрæзтимæ баст проект

Инвестицион форумы Сочийы Цæгат Ирыстон равдисдзæн бальнеологийы райрæзтимæ баст проект. Минералон дæтты иртæстытæ специалисттæ рагагъоммæ сарæзтой. Уæрæсейы инвестицион форуммæ нæ республикæ бацæттæ кодта 34 проекты. Бальнеологийы райрæзтимæ баст проектæн ис хицæн концепци. Иртæстытæ саразынæн специалисттæ систой лабораторон хуызæгтæ. Уыдоны хатдзæгтæм гæсгæ сбæлвырд кæндзысты, санаторон-курортон бæстыхæйттæ кæм хуыздæр аразгæ сты, уый. Ныхас цæуы дзæбæхгæнæн суадæтты цур инфраструктурæ саразын. Цæгат Ирыстоны ахæм хуызы фæнд кæнынц санаторон туризмы райрæзтыл бакусын. Суадæттæн сæрмагонд иртæстытæ куы саразой, уæд уыцы донгуырæнты цур гæнæн ис æмæ фæзыной ног санаторон-курортон бæстыхæйттæ. Ахæм объектты арæзтадæн республикæйы хицауад агурдзæн инвесторты. Инвестицион форумы Сочийы ацæудзæн 12-æй 14 февралмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv