Граждайнаг авиацийы бон

Уæрæсейы абон бæрæг кæнынц граждайнаг авиацийы бон. Ирыстоны иу аэропорт йеддæмæ нæй. Уымæ гæсгæ йын уæлдай ахадындзинад ис. Абон аэропорты кусджытимæ фембæлдысты республикæйы хицауады уæнгтæ æмæ сын загътой бузныджы ныхæстæ. Не сфæлдыстадон къорд та абон федта аэропорты кусджытæ сæ профессионалон бæрæгбоныл куыд æмбæлынц уый. Райдзаст бон бæрзæндты тæхын æмæ куыд уæларвы, афтæ зæххыл дæр сабырдзинад куыд уа. Ахæм арфæйы ныхæстæ абон кæрæдзийæн кæнынц граждайнаг авиацийы кусджытæ. Кæд цин кæнынц, уæддæр улæфынæн рæстæг нæй. Куыст бирæ. Уæлдайдæр та сæм кадджын уазджытæ æрбацыдысты. Ныры дуджы адæм фылдæр хæдтæхджытыл тæхынц. Мингай балцæттæ. Уымæй бузныг стæм æрмæстддæр сымахæн. Уæ куыст зын у, Оо. Фæлæ йæ рæсугъдæй æххæст кæнут. Мæ зæрдæ уын зæгъы уæ куыст æнцон куыд цæуа æмæ уæ къухы бирæ æнтыстдзинæдтæй куыд æфта. Иттæг хорз куысты тыххæй кусджыты схорзæхджын кодтой кады гæххæттытæй æмæ сын балæвар кодтой стенд. Фыст дзы сты Ирыстоны авиацийы хуыздæр цаутæ. Кусджыты сæ зæрдæмæ тынг фæцыд. Куыд зæгъынц, аэропорт - Ирыстонмæ уæлдæфон фæндаг у. Республикæмæ адæм тæхынц фидар базыртыл. Фæлæ кæд абон бæрæг бон у, уæддæр алчидæр йæ куысты уæлхъус ис. Куыст куыд æмбæлы афтæ цæуы. Сæ куысты та йæхи хъуыддæгтæ æмæ хицæн зындзинæдтæ ис. Лев Газзаев: «Аэропорт это наш порог. Порог республики. Хотелось бы чтобы было больше внимания. Нечем убирать снег. Скапливаются люди. Приходится ждать. Вот такой дискафорт». Цин кæны Реуазты Георгий дæр. Хæдтæхæджы штурвалы уæлхъус кæд рагæй нæ бадти, уæддæр ныр дæр ма æнцонтæй стæхын кæнид æфсæйнаг маргъ æмæ атындзид арвмæ. 30 азæй фылдæр аэропотæй æддæмæ нæ хизы. Хоны цæ йæ ног хæдзар. Ныртæккæ кусы хистæр? Штурмæнæй. Фæндаджы маршруттæ фыссы æмæ хъус дары экипажы цæттæдзинадмæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv