Хицауады сæрдар Дзанайты Барисæн кусæг фембæлд уыди вице-премьертимæ æмæ хицауады уæнгтимæ

Хицауады сæрдар Дзанайты Барисæн кусæг фембæлд уыди вице-премьертимæ æмæ хицауады уæнгтимæ. Ныхас цыди республикæйы туристон къабазы рæзты фарстатыл. Цæгат Ирыстоны ацы аз дæр рæстæджы домæнтæм гæсгæ æмбæлгæ уавæртæ араздзысты туристтæн. Уæрæсейы экономикæйы рæзты министрады курдиæттæ исынц туризмы сферæйы хуыздæртæн премитæ дæттыны фæдыл. Вице-премьер Æгъуызарты Муратæн бабар кодтой бакусын, цæмæй федералон конкурсы архайджыты 'хсæн регионы минæвæрттæ дæр уой. Ивгъуыд аз республикæйы туристтæн зæрдæмæдзæугæ бынæтты аразын райдыдтой модулон фысымуæттæ. Уый хорз хъомыс у туристон инфраструктурæйы райрæзтæн. Уымæй уæлдай ма Дзанайты Барис фæнысан кодта, ахуырадон куыстуæтты бæстыхæйтты уавæрмæ æргом раздахын. Бирæтæ сты бындуронæй цалцæггæнинаг. Премьеры ныхæстæм гæсгæ, ныртæккæ хъæуы проектон-хыгъдон гæххæттытæ цæттæ кæнын, цæмæй фарстатыл федералон æмвæзадыл бакусой.