Бæрзонд къæпхæнтæм

Цæгат Ирыстоны æппæтуæрæсеон гом турнир «Ступень к Олимпу»-йы кæронбæттæны хатдзæгтæ скодтой. Ерыстæ уыдысты 3 боны. Республикæмæ нæ бæстæйы алы регионтæй ссыдысты 750 æрыгон гимнасткæйы. Чызджытæ 7 азæй 16 азы онг кæуыл цæуы уыдон сæ арæхстдзинад æвдыстой хибарæй æмæ командæйы. Спортсменкæты сæйраг нысан- жюрийы уæнгты зæрдæмæ фæцæуын. Ирон чызджытæй 10 систы призертæ. Уыдонæй цыппар хæрзиуæгы - сыгъзæринтæ. Се `хсæн Кочты Виктория аивадон гимнастикæйæ спорты дæсны. Турнир «Ступень к Олимпу» фыццаг хат сарæзтой 2002 азы. Цæгат Иристонæн сси традицион. Ерыстæ æрымбырд кæнынц хуыздæр спортсменкæты. Æртæ боны æмгъуыдмæ æвдыстой сæ хуыздæр номыртæ. Аивадон гимнастикæйы федерацийы президент Хабыцаты Ларисæ куыд бафиппайдта афтæмæй ерысты тренертæ æмæ аразджытæ разыйæ баззадысты. Хабыцаты Ларисæ, РЦИ-Аланийы аивадон гимнастикæйы федерацийы президент: «Æнæмæнг зæрдæ райы. Хорз бæрæггæнæнтæ æмæ æнтыстдзинæдтæ равдыстой спортсменкæтæ. Уый ууыл дзурæг у цæмæй дарддæр дæр архайæм æмæ ног уæлахизтæм тырнæм. Сæйрагдæр та уый у -кæд раздæр чызджытæй уæлахиздзаутæ иу систы дыууæ æртæйæ, уæд абон та сæ нымæц фæфылдæр». Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv