Дзæуджыхъæуы ацыд спортивон клубты 'хсæн ерысты регионалон къæпхæн

Æрыдоны скъоладзаутæ фæуæлахиз сты спортивон клубты ерысты регионалон къæпхæны. Дыккаг бынат бацахста Дзæуджыхъæуы 22-æм скъолайы командæ, æртыккаг та систы Павлодольская станицæйы минæвæрттæ. Турнир аразджытæ сты ахуырад æмæ наукæйы министрад, уыимæ сывæллæтты республикон спортивон скъола. Республикон къæпхæны кæронбæттæн ацыд «Манеж»-ы æмæ ЦИПУ-йы спорткомплексы. Æдæппæтæй дзы архайдтой 7 командæйы. Ерыс кодтой баскетбол, стъолыл теннис, бадминтон æмæ рог атлетикæйæ. Ныр уæлахиздзау къорд Цæгат Ирыстоны кад хъахъхъæндзæн æппæтуæрæсеон финалы апрелы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv