Æрвылазон туристон комплекс фæзындзæн Цæгат Ирыстоны

Æрвылазон туристон комплекс 50 фысымуатимæ фæзындзæн Цæгат Ирыстоны. Авдуæладзыгон комплексы уыдзæн бассейн æмæ зал тренажертимæ. 5 гектары фæзуатыл ма хих бæлæстимæ терренкур. Ног бæстыхайы цалцæггæнæн куыстытæ кæронмæ фæвæййынц. 4 стъалыимæ фысымуат Куырттаты комы йæ дуæрттæ байгом кæндзæн ацы аз майы. Проекты руаджы бынæттон цæрджытæн фæзынд уæлæмхасæн куысты бынæттæ. Æдæппæтæй 100-йæ фылдæр. Ныртæккæ комлекс ифтонг кæнынц æппæт хъæугæ техникæйæ. Кусдзæн æрвылаз. Фидæны ма комплексы фарсмæ фæнд кæнынц къахдзоныгътыл бырæн трассæ саразын. Йæ арæзтады спайда кæндзысты нырыккон технологитæй. Зæгъын хъæуы уый, æмæ Куырттаты ком у Цæгат Ирыстоны рæсугъддæр бынæттæй иу. Ис дзы бирæ туристон балцвæдтæ æмæ Уæрæсейы æппæты бæрзонддæр æмвæзыл арæзт моладзандон. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv