Фæмард хъæбатырæй

Республикæйы абон йæ фæстаг балцы афæндараст кодтой Александр Ермаковы. Цæгат Ирыстоны æнæнхъæлæджы уавæрты министрады кусæг хъæбатырæй фæмард завод «Электроцинчы» зынгсирвæзт хуыссын кæнгæйæ. Къулы ыл ракалд æмæ нал аирвæзт. Зианмæ æрбацыдысты республикæйы сæргълæууæг Битарты Вячеслав, премьер Тускъаты Таймураз, парламенты спикер Алексей Мачнев, министрадты æмæ паддзахадон кусæндæтты, æхсæнадон организациты минæвæрттæ, Александры æмкусджытæ æмæ æрдхæрдтæ. Нæ фæзивæг кодтой зианмæ æрбацæуынмæ республикæйы цæрджытæ дæр. Александр Ермаковæн баззад дыууæ фырты. Тагъд та ма йын райгуырдзæн чызг дæр, фæлæ йæ фенын зынгхуыссынгæнæгæн нал бантыст. Зианы митинджы Александрæн кодтой æрмæстдæр йæ хорзы кой. Йе `мкусджытæ загътой, æнæхин æмæ æгъдауджын кæй уыд, стæй йæхиуыл кæй никуы ауæрста, уый тыххæй. Александр Ермаковы бавæрдтой Дзæуджыхъæуы Хурныгуылæн уæлмæрдты. Йæ бинонтæн ын æмбæлгæ æххуыс бакæндзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv