Республикæйы социалон-экономикон райрæзтыл æрдзырдтой парламенты советы æмбырды

Паддзахадон æххуыс æмæ республикæйы социалон-экономикон райрæзтыл æрдзырдтой парламенты советы æмбырды. Æдæппæтæй æрныхас кодтой 30 фарстайæ фылдæрыл. Ахсджиагдæр хъуыддæгтæй иу митингтæ, демонстрацитæ аразыны республикон закъонæвæрдыл бакусын. Бюджет, хъалонтæ æмæ кредитон организациты комитеты разамонæг Баликъоты Валерий бахаста хъæппæрис, транспорты хъалоны закъоны тыххæй проектмæ ивддзинæдтæ баххæсын. Бæлвырддæр дзургæйæ 10 азæй фылдæр цы хæдтулгæйыл цæуы, уыдоны хъалон 50% фæкъаддæр кæнын. Республикон закъонæвæрдыл бæстондæр æрдзурдзысты Цæгат Ирыстоны парламенты радон æмбырды. Парламенты советы æмбырды ма архайдта республикæйы хицауады сæрдары хæдивæг Фадзайты Æхсарбег. Уый парламенты уæнгтæн радзырдта Уæрæсейы федерацийы советы æмбырды цы хæслæвæрдтæ фæнысан кодтой, уыдоны тыххæй куыст куыд цæуы, уый. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv