Бруты хъæуы сарæзтой профилактикон мадзал

Оперативон æмæ прафилактикон мадзал «Мак-2019», зæгъгæ, дарддæр æххæстгонд цæуы Цæгат Ирыстоны. Уый фæлгæты ацы бонты рабæрæг кодтой æмæ фесæфтой 300 хъæддаг гæны къудзийæ фылдæр. Уый размæ та ахæм наркотикхæццæ зайæгойтæ ссардтой Бæтæхъойы хъæуы æмæ Елхоты. Ныр цы гæны æвæрæнтæ рабæрæг кодтой, уыдон æрзадысты Бруты хъæуы. Бынаты бакуыстой Мидхъуыддæгты Министрады хайады æмæ наркотиктæ зилдух кæныны ныхмæ управленийы кусджытæ. Уыимæ ма сын æххуыс кæнынц бынæттон администрацийы дæр. Гæны къудзитæ æркарстой æмæ сæ басыгътой. Ахæм мадзæлттæ араздзысты бæрæг æмгъуыдмæ. Пъæлицæйы кусджытæ адæммæ сидынц, цæмæй, гæн кæм зайы кæнæ йæ барæй кæм ныссадзынц, ахæм бынæтты тыххæй хъусын кæной пъæлицæмæ. Уымæй уæлдай ма административон æмæ уголовон æгъдауæй æфхæрдзысты, цæрджытæй йæ зæххытыл ахæм зайæгой чи нæ куынæг кæна, уыдоны. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv