Битарты Вячеслав 11-æм июлы фембæлдзæн Кировы районы цæрджытимæ

Битарты Вячеслав дарддæр æмбæлы Цæгат Ирыстоны цæрджытимæ. 11-æм июлы нæ республикæйы сæргълæууæг бабæрæг кæндзæн Кировы район. Сæ фæрстытæ раттыны бар уыдзæн Елхоты æмæ Комсомольскæйы цæрджытæн. Æмбырд сараздзысты Елхоты культурæйы бынæттон хæдзары. Райдайдзæн 18 сахаты æмæ 30 минутыл. Ахæм фембæлдыдтæ Цæгат Ирыстоны сæргълæууæг арæх аразы. Битарты Вячеслав ныридæгæн бабæрæг кодта Æрыдоны æмæ Алагиры районтæ. Цæрджыты фæрстытæ фылдæр баст вæййынц зæххытимæ. Бирæ хъæуты хæдзæрттæм дон кæлы къуылымпытимæ. Уымæй уæлдай ма адæмы тыхсын кæнынц æнæниздзинад хъахъхъæныны æмæ ахуырады къабæзты хъуыддæгтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv