Паддзахадон лæггæдты порталы исын райдыдтой уæлдæр ахуыргæнæндæттæм гæххæттытæ. Курдиат бадæттæн ис нæ бæстæйы 5 ахуыргæнæндонмæ. Къамисмæ рады лæууын нал хъæуы, уыимæ, гæххæттын документтæ æмбырд кæнын дæр. Нымæцон райрæзты министрады куыд зæгъынц, афтæмæй паддзахадон лæггæдты порталмæ сæхи бафыстой мин уæлдæр ахуыргæнæндонæй фылдæр. Курдиат ныууадзæн ис алы хуызы ахуырады фæдыл. Лæвар кæй фæнды, уыцы абитуриенттæн рæстæг уыдзæн 25 июлмæ, æхцайы фæрцы чи цæуы, уыдонæн та 20-æм августы онг. Уымæй уæлдай, дзуапдæттæг министрад æмбарын кæны онлайн хуызы ахуырмæ цæуыны фæтк. Фыццаджыдæр, хи кабинеты бафыссын хъæуы льготæтæ æмæ сгуыхтдзинæдты тыххæй информаци. Дарддæр курдиаты сыф баххæст кæнын. Конкурсон хыгъдты цы бынаты стут, уый фенæн уыдзæн цыфæнды афон дæр. Иннæ къæпхæн та у документты оригинал бадæттын æмæ хъусынгæнинагмæ банхъæлмæ кæсын.