5 млрд сомæй фылдæр хæс дарынц Цæгат Ирыстоны цæрджытæ электрон тыхæй

Республикæйы тæрхондæттæ уынаффæ рахастой, Ирыстоны цæрджытæн «Россети Цæгат Кавказ» -ы раз цы хæс ис, уый баххæст кæнын. Уымæн аххосаг у, электрон тыхæй пайдагæнджытæ афойнадыл сæ хæстæ кæй нæ фыстой, уый. Æдæппæтæй сты 27 мин хæсджынæй фылдæр. Хæсы бæрц у 5 млрд 400 милуан сомы. 11 мæймæ компани «Россети Цæгат Кавказ» -ы юристтæ тæрхондонмæ балæвæрдтой 46 мин иСкæй фылдæр. Регионалон компанитæ æмæ филиалтæ балæвæрдтой 312 искы хæстæ æрдомыны тыххæй. Æдæппæтæй 2 млрд æмæ 5 млн сомæй фылдæр. Уыдонæй 254 искæн бæлвырд дзуапп лæвæрд æрцыд, 2 млрд сомæй фылдæр аргъæн. Арæхдæр электрон тыхæн нæ бафидынц цæрæнуæтты-коммуналон хæдзарады куыстуæттæ. Энергон тыхæн сæ хæс 11 млрд 500 милуан сомæй акаст. Энергетиктæ, куыд загъынц, афтæмæй æдзух хæсджынæй вæййынц, социалон нысаниуæг кæмæн ис, ахæм куыстуæттæ. Уыдон барæй æнæфыстæй ныууадзынц сæ хæстæ, кæй сын нæ алыг кæндзысты сæ рухс, уый æмбаргæйæ. Ахæм уавæры æндæр гæнæн нæ вæййы, æмæ тæрхондоны руаджы æрдомын бахъæуы хæстæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv