Дзæуджыхъæуы цы зынгсирвæзт æрцыд, уый фæстиуджытæ иуварс кæнынц

Дзæуджыхъæуы, Доваторæйы проспекты, знон цы зынгсирвæзт æрцыд, уый фæстиуджытæ иуварс кæнынц. Раздæры хуыйæн фабрикæйы бæстыхайы газ кæй срæмыгъта, уый аххосæй æрцыд зынгсирвæзт.  Арты æвзæгтæ апарахат сты мин æмæ фондз сæдæ квадратон метрыл. Бынатыл куыстой 186 адæймаджы æмæ 45 сæрмагонд техникæйы. Зынгсирвæзт бахъыгдæрдта фæндыртæ аразæн фабрикæ. Куыстуат архайы 1990 азæй нырмæ. Уыимæ ма, зынг схæцыд сыхаг бæстыхайыл - къуымбил цæгъдæн цехыл дæр. Ныр Цæгат Ирыстоны фæлхасгæнджыты бартæ хъахъхъæнæг хайады специалисттæ куыд хъусын кæнынц, афтæмæй фыдбылыз уæлдæфы зианхӕссӕг буаргъӕдтæ нæ ныууагъта. Сæрмагонд хъусынгæнинаг апарахат кодта нæ республикæйы æрдзон æвæрæнты æмæ экологийы министрады пресс-службӕ. Доваторæйы проспекты æмæ Гӕдиаты Цомахъы номыл уынджы, уӕлдӕфы фыццаг ӕркасты хатдзӕгтӕм гӕсгӕ, куыд рабæрæг, афтæмæй буаргъӕдты иртæстæ ӕнӕзынгӕ фӕуӕлдӕр сты 2 хатты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv