«Мариинский-Дзæуджыхъæу»

Дзæуджыхъæуы 2-аг хатт йæ дуæрттæ байгом кодта Æппæтадæмон Кавказаг фестиваль  «Мариинский-Дзæуджыхъæу». Цæгат Ирыстоны цæрджытæн уый у ахсджиаг цау. Адæймаджы миддуне цы музыкæ фæхъæздыгдæр кæны, уымæ байхъусынмæ æрбацыд бирæ адæм. Ме `мкусæг Пелиты Сабинæ бабæрæг кодта фестиваль. Бацæттæ кодта цымыдисаг æрмæг. Табуафси, бакæсæм æм. Мариинаг театры Дзæуджыхъæуы филиалы та райдыдта диссаджы аивадон бæрæгбоныл. Цæгат Кавказы æппæтадæмон фестиваль"Мариинский -Дзæуджыхъæу" æрæмбырд кодта курдиатджын музыкантты æмæ аивадуарзджыты. Цалдæр боны размæ Мариинаг театры оркестр архайдта Аравиаг æрдæгсакъадахы сæйраг сценæйы. Фæлæ Цæгат Ирыстоны фестивальмæ æнæрцæугæ, сæ бон нæ баци. Æхсызгон сын уыд, Уæрæсейы Федерацийы хицауады сæрдары хæдивæг Ольга Голодец Дзæуджыхъæуы фестивалы уазджыттæн æмæ архайджытæн кæй раарфæ кодта, уый. Ирыстоны зæхмæ кæй æрбакъахдзæф кодтой, уый тыхæй сын арфæйы æмæ бузныджы ныхæстæ ракодта нæ республикæйы сæргълæууæг Битарты Вячеслав дæр Фестиваль байгом кодтой Цæгат Кавказы Федералон зылды алы регионты æрыгон музыканттæ. Кæд нырма æрыгон сты, уæддæр сыл адæм сæ цæст æрæвæрдтой. Сæ æгæрон курдиат се ппæты зæрдæмæ дæр фæндаг ссардта. Сывæллæттæ акодтой зындгонд классикты уацмыстæ. Чи фортепианойыл цагъта, чи скрипкæйыл. Гергиты Валерийы ныхæстæм гæсгæ,æрыгон музыкантты курдаит æвдисæг изæрæй, фестиваль дыккаг хатт райдайынц. Уый хорз традици сси. Гергиты Валерий:  «Æрыгæттæм алкæддæр хъусын хъæуы. Уыдон нæ ныфс æмæ нæ фидæн сты. Хъуамæ сæ дæсныйад тагъддæр рæза æмæ тырной размæ, аивады бæрзæндтæм. Цæмæй фидæны сæ регионы æмæ æппæт Цæгат Кавказы ном бæрзонд хæссой, хъахъæной йæ æмæ культурæ парахат кæной». Фестиваль бирæ адæмы суазæг кодта. Залмæ къах бавæрæн нæ уыд. Классикæ чи уарзы, уыдонæн уыд алæмæты рæсугъд бæрæгбон. Гергиты Валерийы разамындæй оркестр алкæддæр адæмæн уары циндзинад, æрбангом сæ кæны, сæ зæрдæты сын сæвзæрын кæны уарзондзинады æмæ хæлардзинады уидæгтæ. Уæвгæ йæ алчидæр зоны музыкæйæн - æгæрон тых ис. Фестиваль ахæсдзæн 7-æм октябрмæ. Аивадуарзджытæн равдисдзысты Плиты Христофоры оперæ "Къоста", адæмон зарджыты концерттæ, Мариинаг театры æмæ Дзæуджыхъæуы филармонийы оркестрты иумæйаг концерт. Абон та Мириинаг театры артисттæ нæ республикæйы музыкалон скъолаты æмæ аивæдтты колледжы ахуырдзаутæн балæвар кодта Стравинскийы балет «Жар-птица"-йы сюитæ. Йæ фенынмæ 300 сывæллонæй фылдæр æрбацыдысты. Алкæй зæрдæ дæр сæ цинæй дзаг у - ахæм музыкалон амонд се ппæтмæ не рхауы. Уæдæ журналисттæн та цымыдисаг у Цæгат Кавказы культурон центры фарста. Цæгат Ирыстоны йыл бирæ ныхас цæуы. Маэстро ныфс бавæрдта - тагъд рæстæджы лыггонд кæй æрцæудзæн. Гергиты Валерий:  «Цæгат Кавказы Культурон центрмæ бирæтæ æнхъæлмæ кæсынц. Фыццаджы та мæхæдæг. Фæлæ ма ис рады фыццаградон хъуыддæгттæ. Йæ райдайæн ис Владивосточы. Мæнæн тынг бæстон æмæ ахсджиаг проект у. Куыд мæм кæсы, афтæмæй ацы проектыл иннæ аз бæлвырддæр ныхас цæудзæн». Фестиваль аразджытæ зæрдæ дарынц, ахæм мадзæлттæ адæймаджы миддунейæн хорз ахъаз кæй фæвæййынц. Хъæздыгдæр сæ кæй кæнынц. Дунейы та сабырдзинад æмæ рæсугъддзинад кæй тауынц, ууыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv