Космос басгарæг сылгоймаг

Фыццаг сылгоймаг-космонавт Валентина Терешкова абон бæрæг кæны йæ гуырæн бон. Сæххæст ыл 81 азы. Нæ республикæимæ йæм ис фидар бастдзинад. 1966-æм азы, Валентина Терешкова космосмæ куы атахт, уымæй 3 азы фæстæ уазæгуаты ссыди Цæгат Ирыстонмæ. Уæд ын радтой Орджоникидзейы кадджын гражданины ном. Дзæуджыхъæуы Валентинæ Терешковаимæ баст бынæттæ гыццыл не сты. Космосы тыгъдад басгæрæджы ном радтой сывæллæтты æфсæнвæндагæн. Æнусы æрдæджы размæ, йæ байгом кæныны кадджын мадзалы дзы фыццаг цæджындз сфидар кодта Валентинæ йæхæдæг. Сæрибардзинады фæзы та ныртæккæ дæр ис стыр тулдз бæлас – уый дæр намысджын сылгоймаг ныссагъдта. Ивгъуыд азы мартъийы та Валентинæ Терешковайы схорзæхджын кодтой «Ирыстоны Намысы» майданæй. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv