Цæгат Ирыстоны 2020 азы национ проекты фæлгæты базилдзысты 130 хæдзары кæртмæ

Иннæ национ проект «Горæты æнцонвадат цардархайыд»-ы фæлгæты Кировы районы фæнд кæнынц 6 æхсæнадон бынаты рацаразын. Уыдоны æхсæн Елхоты, Бæройты æфсымæрты, Мильдзыхты, Карсанаты æмæ Кировы уынгты цыппар аллейы. Куыстытæ ныридæгæн райдыдтой. Даскъофы æмæ Змейкæйы станицæйы барæсугъд кæндзысты фæйнæ иу аллейы. Куыстытæ сæххæст кæнынæн радих кодтой 13 милуан сомы, уыдонæй 12 милуанæй фылдæр федералон бюджетæй. Паддзахадон проект «Горæты æнцонвадат цардархайыд»- йы фæрцы 2020 азы фæнд кæнынц сног кæнын 33 æхсæнадон æмæ 124 хæдзæртты кæртытæ. 2019 азимæ абаргæйæ, ацы азы сæ нымæц зынгæ фæфылдæр уыдзæн, бафиппайдта нæ республикæйы цæрæнуæтты-коммуналон хæдзарад, артаг æмæ энергетикæйы министр Таматы Майрæн. Ацы проекты райрæзты архайынц республикæйы æппæт районтæ дæр. Проекты иумæйаг бюджет рауад 210 милуан сомæй фылдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv