Хицауады æмбырды дзырдтой, социалон ахадындзинад кæмæн ис, уыцы бакусинаг мадзæлттыл

Дондзæуæн системæйы объекттæ сног кæнынæн 2030-æм азы онг рахай кæндзысты 30 миллиард сомæй фылдæр. Уый тыххæй сарæзтой сæрмагонд программæ дæр. Фарстайыл лæмбынæг бакусыны уынаффæ рахаста регионы разамонæг Сергей Меняйло. Æмбырды куыд фæнысан кодтой, афтæмæй ныридæгæн нуазыны дон республикæйы цæрджытæй бирæтæм нæ хæццæ кæны. Къуылымпыдзинæдтæ ис профилон куыстуæтты архайды дæр. Сæйрагдæр у, хæтæлты 85% заууат уавæры кæй сты, уый. Ныр программæйы фæрцы фарстатæ лыггонд æрцæудзысты. Хицауады уæнгтæ сразы сты 2 ног структурæйы сарæзтыл дæр. Уыдон сты «Аланияэнергосбыт» æмæ «Республиканское предприятие водоснабжения и водоотведения». Куыстуæттæ хъуамæ бакусой сæ лæггæдты хæрхъæддзинадыл. Бæрнон кусджытæ дзырдтой трамвайты æфсæнвæндæгты бындурон цалцæгыл. Уыцы мадзæлттæн федералон бюджетæй рахай кæндзысты 100 милуан сомы. Æмбырды уынаффæ рахастой республикæйы æнæниздзинад хъахъхъæнынады министрадæн уæлæмхасæн фæрæзтæ рахай кæныныл. 4 милуаны хардзгонд цæудзысты Республикон клиникон рынчындон туаггуырæй сифтонг кæныныл. 15 милуанæй та сног кæндзысты Мæздæджы, Æрыдоны æмæ Кировы районты рынчындæтты материлон-техникон бындур. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv