Адæмæн æй равдис æмæ дæ фехъусдзысты

Знон нæ программæйы равдыстам, Терчы былгæрон цы уавæрмæ æрцыд, уый. Не `рмæг дзырддаг сси. Дзæуджыхъæуы администрацийы уæнгтæ абон райсомæй бынаты сарæзтой æвæстиат æмбырд. Уавæр куыд у, уый сæ бафæндыд хи цæстæй фенын. Нæ уацхæсджытæм дæр фæдзырдтой. Администрацийы уæнгтæ ма иу хатт загътой, арæзтадон кустытæ, куыд æмбæлы, афтæ кæй бакодтой. Проектмæ гæсгæ. Мах та, дам, цы федтам æмæ цы равдыстам, уый, дам, уыцы проектмæ уæвгæ дæр нæ хауы. Уымæй уæлдай ма, Дзæуджыхъæуы администрацийы кусджытæ зæрдæ æвæрынц, арæзтадон куыстытæ дарддæр кæй кæндзысты. Цалцæггонд ма æрцæудзысты цалдæр хайы. Зæрдæ нын бавæрдтой, ацы хатт куыстытæм сæ хъус лæмбынæгдæр кæй дардзысты, уымæй. Хъæндзинæдтæм дæр æркæсдзысты. Æмæ мæнæ диссаг! Цалынмæ дыууæ боны ацы æрмæг равдис-бавдис кæнæм, уæдмæ, куыд базыдтам, афтæмæй абон аразджытæ æваст амынд фæзуаты фæзындысты. Нæ уацхæссæг куыд федта, афтæмæй къæйдуртæ иу-иннæйы фæдыл рæнхъытæй æвæрынц. Æмæ, дам, дзыхы ныхасы ницы ахадындзинад ис! Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv