Фæсивæды хъомылад

Дзæуджыхъæуы 606 ахуырдзауы та райстой Æвзонг æфсæддонты рæнхъытæм. Кадджын мадзал сарæзтой Республикæйы офицерты хæдзары. Уыцы ран скъоладзаутæ бахордтой ард дæр. Æмткæй райсгæйæ Ирыстоны ис 5000 æвзонг æфсæддоны. Бафтдзæн ма сыл Фыдыбæстæ хъахъхъæнæнджы бон. Уыцы хорздзинадмæ æнæхъæн республикæйы æнхъæлмæ кæсынц 2000 мин адæймаджы. Сараздзысты сын уæлæмхасæн ахуыртæ. Базонгæ сæ кæндзысты Уæрæсейы нырыккон историйы ахсджиагдæр цаутимæ. Зæгъæм, Сталинграды хæст æмæ Ленинграды къæлæтимæ. Уыцы куыст тынг ахады фæсивæды патриотон хъомыладыл. Ивгъуыд фæлладуадзæн бонты та 10 ахуырдзауы æвзонг æфсæддонты рæнхъытæм райстой 1800 метры бæрзæндыл. Дзæуджыхъæуы 14-æм скъолайы альпинистон къорд, сæ сæргъы Николай Лесник, афтæмæй, схызт Фыдхуызы хохы цъуппмæ. Ацы къæдзæх ис Дзæуджыхъæуæй хуссарырдæм 10 километры æддæдæр. Ацы экспедици фæсивæдимæ сарæзтой 58-æм æфсады радиотехникон полчы æфсæддонтимæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv